Musik und Text: Gregor Brantschen

Bin der Geissbüeb in de Bärgu,
tüe miis Täschli nit verbärgu.
Schwarzus Brot und Chees ischt dri
und äs Fläschli Milch derbii.

Jodel

Bin so glickli mit du Geissu,
wenn i scho nur Geissbüeb heissu.
Jützu cha doch niämu so,
wiä nä Geissbüeb härzli froh.

Jodel

Strobi, Strahli, Grüni Grani,
hibschi, fiini Geissli hani.
Keini geit ä Schritt va mier,
wenn i schi in d Bärga fiehr.

Jodel

Uf de Steinu tüeni springu
und äs luschtigs Liädji singu,
wenn di Geiss uf Fliehnu stehnt
und ans Bächji triichu gehnt.

Jodel

Wenn vam Gletscher d Sunna geit,
triibt der Geissbüeb va der Weid;
jützt in d Felsä, dass äs chracht:
Liebi Bärga, jetz güet Nacht!
Jodel